Nafarroa 1512-2012 aztergai, zaldiko maldiko elkartean
27 Febrero 2010 Agenda
Mahaingurua martxoaren 17an izanen da, asteazkena, arratsaldeko 20.00etan
Iruñea. Bi urte barru, 2012an, Nafarroako konkistaren 500. urteurrena ospatuko da. Nafar Gobernuak urtebetetzea herrialdean gertatu den pasarterik positiboena izango balitz bezala ospatuko duen bitartean, herritar askok orain dela bost mende “benetan” gertatutakoaren inguruan ikerketak egiten ari dira. Era honetan, datorren hilaren 17an, asteazkenarekin, Nafarroa 1512-2012 mahaingurua eginen da Zaldiko Maldiko Kultura Elkartean, konkistaren 500. urtearen nondik norakoak aztertzeko eta herritarrei gertatutakoaren berri emateko.
Hitzaldi honetan parte hartuko dutenak Roldan Jimeno, Bixente Serrano eta Floren Aoiz izanen dira. Aurkezlea berriz, Xabier Letona izanen da, Argia astekariko zuzendaria. Hitzordua arratsaldeko 20.00etan izanen da.
